1971 - ൽ വന്ന " ലോറാ നീ എവിടെ"

കാലം ഒരു പ്രവാഹം.. കാലം ഒരു
പ്രവാഹം..ആലംബമില്ലാതെ
മുങ്ങിയും പൊങ്ങിയും അതിലല -
യുന്നു വ്യാമോഹം.. ജീവിതവ്യാമോഹം..

കയ്യെത്തുന്നിടത്താണെന്നു തോന്നും
കണ്ടാലഴകുള്ള ചക്രവാളം...
അടുക്കുമ്പോളകലും.അകലുമ്പോൾ
അടുക്കും..ആശാ ചക്രവാളം..
എവിടെ തീരമെവിടെ അവസാന
വിശ്രമമെവിടെ...

വെള്ളത്തിലെഴുതിയ വാഗ്ദാനങ്ങൾ
വഴിയിൽ കാണുന്ന സ്വപ്നങ്ങൾ...
ഉറങ്ങുമ്പോളുണരും ഉണരുമ്പോൾ
ഉറങ്ങും..ഓരോ പൊയ്മുഖങ്ങൾ
എവിടെ.. തീരമെവിടെ...അവസാന
വിശ്രമമെവിടെ...

1971 - ൽ വന്ന " ലോറാ നീ എവിടെ"
എന്ന ചിത്രത്തിലെ ഗാനം..വയലാർ
..ബാബുരാജ് ടീം ഒരുക്കിയ ഗാനം
ആലപിച്ചത് കെ.ജെ. യേശുദാസ്...